सत्त्वं सुखे सञ्जयति...
नेविगेशन पर जाएँ
खोज पर जाएँ
श्लोकः
- सत्त्वं सुखे सञ्जयति रजः कर्मणि भारत ।
- ज्ञानमावृत्य तु तमः प्रमादे सञ्जयत्युत ॥ ९ ॥
अयं भगवद्गीतायाः चतुर्दशोऽध्यायस्य गुणत्रयविभागयोगस्य नवमः(९) श्लोकः ।
पदच्छेदः
सत्त्वं सुखे सञ्जयति रजः कर्मणि भारत ज्ञानम् आवृत्य तु तमः प्रमादे सञ्जयति उत ॥ ९ ॥
अन्वयः
भारत ! सत्त्वं सुखे सञ्जयति । रजः कर्मणि । तमः तु ज्ञानम् आवृत्य प्रमादे सञ्जयति उत ।
शब्दार्थः
- सञ्जयति = संयोजयति
- कर्मणि = व्यापारे
- ज्ञानम् = बोधम्
- आवृत्य = आच्छाद्य
- प्रमादे उत = अनवधाने अपि
- सञ्जयति = संयोजयति ।
अर्थः
भारत ! एतेषु त्रिषु गुणेषु सत्त्वं दुःखकारणे सत्यपि आत्मनः सुखं जनयति । रजः सुखकारणे सत्यपि दुःखं जनयति । तमः तु ज्ञानम् आच्छाद्य अनवधानालस्यनिद्रादिकं जनयति ।