तमस्त्वज्ञानजं विद्धि...
नेविगेशन पर जाएँ
खोज पर जाएँ
श्लोकः
- तमस्त्वज्ञानजं विद्धि मोहनं सर्वदेहिनाम् ।
- प्रमादालस्यनिद्राभिस्तन्निबध्नाति भारत ॥ ८ ॥
अयं भगवद्गीतायाः चतुर्दशोऽध्यायस्य गुणत्रयविभागयोगस्य अष्टमः(८) श्लोकः ।
पदच्छेदः
तमः तु अज्ञानजं विद्धि मोहनं सर्वदेहिनाम् प्रमादालस्यनिद्राभिः तत् निबध्नाति भारत ॥ ८ ॥
अन्वयः
भारत ! सर्वदेहिनां मोहनं तमः तु अज्ञानजं विद्धि । तत् प्रमादालस्यनिद्राभिः निबध्नाति ।
शब्दार्थः
- सर्वदेहिनाम् = सकलशरीरभृताम्
- मोहनम् = अविवेककरम्
- तमः = तमोगुणः
- अज्ञानजम् = अविवेकजनितम्
- प्रमादात् = अनवधानात् ।
अर्थः
अर्जुन ! गुणेषु यत् तृतीयं तमः अज्ञानात् सम्भवति । इदं च तमः सर्वेषां प्राणिनां भ्रान्तिं जनयति । अनेन गुणेन सर्वेषाम् अनवधानं जाड्यं निद्रा च सम्भवति । एवमिदं तमः पुरुषं संसारे बध्नाति ।