अनुद्वेगकरं वाक्यं...
नेविगेशन पर जाएँ
खोज पर जाएँ
श्लोकः
- अनुद्वेगकरं वाक्यं सत्यं प्रियहितं च यत् ।
- स्वाध्यायाभ्यसनं चैव वाङ्मयं तप उच्यते ॥ १५ ॥
अयं भगवद्गीतायाः सप्तदशोध्यायस्य श्रद्धात्रयविभागयोगस्य पञ्चदशः(१५) श्लोकः ।
पदच्छेदः
अनुद्वेगकरं वाक्यं सत्यं प्रियहितं च यत् स्वाध्यायाभ्यसनं च एव वाङ्मयं तपः उच्यते ॥
अन्वयः
अनुद्वेगकरं सत्यं प्रियहितं च यत् वाक्यं स्वाध्यायाभ्यसनं च एव वाङ्मयं तपः उच्यते ।
शब्दार्थः
- अनुद्वेगकरम् = अक्षोभकरम्
- सत्यम् = यथार्थम्
- प्रियहितं = इष्टं हितकरं च
- वाक्यम् = वचनम्
- स्वाध्यायाभ्यसनम् = वेदाभ्यासः
- वाङ्मयम् = वाग्रूपम् ।
अर्थः
अक्षोभकरं यथार्थम् इष्टं हितकरं च यत् वचनम्, वेदाभ्यासः तथा वाङ्मयं तपः उच्यते ।