संन्यासस्य महाबाहो...
१३:१५, २४ एप्रिल् २०२२ पर्यन्तं ImportMaster (सम्भाषणम् | योगदानानि) (robot: Import pages using विशेषः:आयापयतु) द्वारा जातानां परिवर्तनानाम् आवलिः
श्लोकः
अर्जुन उवाच -
- सन्न्यासस्य महाबाहो तत्त्वमिच्छामि वेदितुम् ।
- त्यागस्य च हृषीकेश पृथक्केशिनिषूदन ॥ १ ॥
अयं भगवद्गीतायाः अष्टादशोऽध्यायस्य मोक्षसंन्यासयोगस्य प्रथमः(१) श्लोकः ।
पदच्छेदः
सन्न्यासस्य महाबाहो तत्त्वम् इच्छामि वेदितुम् त्यागस्य च हृषीकेश पृथक् केशिनिषूदन ॥
अन्वयः
महाबाहो हृषीकेश केशिनिषूदन ! सन्न्यासस्य त्यागस्य च तत्त्वं पृथक् वेदितुम् इच्छामि ।
शब्दार्थः
- तत्त्वम् = याथात्म्यम्
- केशिनिषूदन = केशिसंहारक !
- वेदितुम् = ज्ञातुम् ।
अर्थः
श्रीकृष्ण ! सन्न्यासस्य याथात्म्यं त्यागस्य च याथात्म्यं पृथक् पृथक् ज्ञातुम् अभिलषामि ।