सर्वतः पाणिपादं तत्...
नेविगेशन पर जाएँ
खोज पर जाएँ
श्लोकः
- सर्वतः पाणिपादं तत्सर्वतोऽक्षिशिरोमुखम् ।
- सर्वतः श्रुतिमल्लोके सर्वमावृत्य तिष्ठति ॥ १३ ॥
अयं भगवद्गीतायाः त्रयोदशोध्यायस्य क्षेत्रक्षेत्रज्ञविभागयोगस्य त्रयोदशः(१३) श्लोकः ।
पदच्छेदः
सर्वतः पाणिपादं तत् सर्वतः अक्षिशिरोमुखम् सर्वतः श्रुतिमत् लोके सर्वम् आवृत्य तिष्ठति ॥ १३ ॥
अन्वयः
सर्वतः पाणिपादं सर्वतः अक्षिशिरोमुखम्, सर्वतः श्रुतिमत् तत् लोके सर्वम् आवृत्य तिष्ठति ।
शब्दार्थः
- सर्वतः पाणिपादम् = सर्वतोहस्तचरणम्
- सर्वतःश्रुतिमत् = सर्वत्र श्रोत्रेण युक्तम्
- सर्वतोऽक्षि - शिरोमुखम् = सर्वत्र नेत्रशीर्षवदनैः युक्तम्
- तत् = ब्रह्म
- आवृत्य = व्याप्य
- तिष्ठति = वसति ।
अर्थः
तस्य ब्रह्मणः सर्वत्र हस्ताः पादाः नेत्राणि शिरांसि मुखानि श्रोत्राणि च सन्ति । तत् सकलं जगत् व्याप्य वर्तते ।
सम्बद्धसम्पर्कतन्तुः