यो मामेवमसम्मूढो...
नेविगेशन पर जाएँ
खोज पर जाएँ
श्लोकः
- यो मामेवमसम्मूढो जानाति पुरुषोत्तमम् ।
- स सर्वविद्भजति मां सर्वभावेन भारत ॥ १९ ॥
अयं भगवद्गीतायाः पञ्चदशोऽध्यायस्य पुरुषोत्तमयोगस्य नवदशः(१९) श्लोकः ।
पदच्छेदः
यः माम् एवम् असम्मूढः जानाति पुरुषोत्तमम् सः सर्ववित् भजति मां सर्वभावेन भारत ॥
अन्वयः
भारत ! यः असम्मूढः मां पुरुषोत्तमं जानाति सः सर्ववित् सर्वभावेन भजति ।
शब्दार्थः
- असम्मूढः = विवेकी
- सर्ववित् = सर्वज्ञः
- सर्वभावेन = सर्वात्मना ।
अर्थः
अर्जुन ! यः मानवः विवेकी सन् एवं मां पुरुषोत्तमं वेत्ति सः मानवः सर्वज्ञः । सः सर्वप्रकारेण मामेव सेवते ।