यथा नदीनां बहवो...
नेविगेशन पर जाएँ
खोज पर जाएँ
श्लोकः
- यथा नदीनां बहवोऽम्बुवेगाः समुद्रमेवाभिमुखा द्रवन्ति ।
- तथा तवामी नरलोकवीरा विशन्ति वक्त्राण्यभिविज्वलन्ति ॥ २८ ॥
अयं भगवद्गीतायाः एकादशोऽध्यायस्य विश्वरूपदर्शनयोगस्य अष्टाविंशतितमः(२८) श्लोकः ।
पदच्छेदः
यथा नदीनां बहवः अम्बुवेगाः समुद्रम् एव अभिमुखाः द्रवन्ति तथा तव अमी नरलोकवीराः विशन्ति वक्त्राणि अभिविज्वलन्ति ॥ २८ ॥
अन्वयः
यथा नदीनां बहवः अम्बुवेगाः समुद्रम् एव अभिमुखाः द्रवन्ति तथा अमी नरलोकवीराः अभिविज्वलन्ति तव वक्त्राणि विशन्ति ।
शब्दार्थः
- यथा = येन प्रकारेण
- नदीनाम् = स्त्रोतसाम्
- बहवः = असङ्ख्याकाः
- अम्बुवेगाः = जलप्रवाहाः
- समुद्रम् एव = सागरम् एव
- अभिमुखाः = सम्मुखाः सन्तः
- द्रवन्ति = प्रवहन्ति
- तथा = तेन प्रकारेण
- अमी = एते
- नरलोकवीराः = मर्त्यलोकशूराः
- अभिविज्वलन्ति = प्रकाशमानानि
- तव = ते
- वक्त्राणि = मुखानि
- विशन्ति = प्रविशन्ति ।
अर्थः
यथा स्रोतसाम् असङ्ख्याकाः जलप्रवाहाः सागरम् एव अभिमुखीभूय प्रविशन्ति तथा एते शूराः प्रकाशमानानि तव मुखानि प्रविशन्ति ।