मय्येव मन आधत्स्व...

श्लोकः

गीतोपदेशः

मय्येव मन आधत्स्व मयि बुद्धिं निवेशय ।

निवसिष्यसि मय्येव अत ऊर्ध्वं न संशयः ॥ ८ ॥

अयं भगवद्गीतायाः द्वादशोऽध्यायस्य भक्तियोगस्य अष्टमः(८) श्लोकः ।

मयि एव मनः आधत्स्व मयि बुद्धिं निवेशय निवसिष्यसि मयि एव अतः ऊर्ध्वं न संशयः ॥ ८ ॥

मयि एव मनः आधत्स्व । मयि बुद्धिं निवेशय । अतः ऊर्ध्वं मयि एव निवसिष्यसि, न संशयः ।

मयि एव = परमात्मनि मयि एव

मनः = चित्तम्

आधस्त्व = आनय

मयि बुद्धिम् = मयि मतिम्

निवेशय = योजय

अतः = ततः

ऊर्ध्वम् = परम्

मय्येव निवसिष्यसि = मय्येव वसिष्यसि

संशयः न = सन्देहः न विद्यते ।

परमात्मनि मयि एव चित्तं स्थापय । मयि एव मतिं योजय । ततः परं मयि एव वसिष्यसि । अत्र सन्देहः न वर्तते ।