भुजङ्गासनम्
नेविगेशन पर जाएँ
खोज पर जाएँ
योगासनेषु प्रधानं भवति भुजङ्गासनम् । अनेनासनेन कशेरुकापेशीनां - विशिष्य उदरस्थानां पेशीनां स्नायूनां च विकासः सिद्ध्यति । पुष्टिः, बलं च प्राप्यते । पृष्ठवेदना, स्कन्धवेदना, गलवेदना इत्यादीनां शमनार्थमपि आसनमिदं सहकरोति । पृष्ठभागे रक्तचंक्रमणस्य वेगः वर्धते । उरसः विकासः सम्भवति । मूत्राशयरोगाणां कासरोगस्य च शमनार्थमपि आसनमिदम् उपकरोति ।
आसनकरणविधिः
- उदरमवलम्ब्य भूमौ शयनं करोतु ।
- करतलद्वयं वक्षस्स्थलमुभयतः भूमौ स्थापयतु ।
- पादौ ऋजुतया परस्परं संयोज्य भूमौ स्थापयतु ।
- मस्तकं, वक्षस्स्थलं च नाभिं यावत् उत्थापयतु ।
- नाभितः आरभ्य गलदेशं यावत् नाडीनां सम्प्रसारणम् अनुभवतु ।
- शरीरं भुजङ्गवत् शोभते ।
- पुनः रेचकेण मस्तकं भूमौ स्थापयतु ।
- अनेन क्रमेण त्रिचतुर्वारम् अभ्यासः करणीयः ।
लाभः
अग्न्याशयः स्वस्थः भूत्वा ‘इनसुलिन्’ निर्माणे सहायकः भवति । मूत्रग्रन्थिः क्रियाशीलो भवति । मेरुदण्डः दृढः भवति ।
सम्बन्धितपुस्तकानि
बाह्यसम्पर्कतन्तुः
- Cobra Pose Video and Step by Step Instruction]
- फलकम्:Cite web