पिताहमस्य जगतो...
नेविगेशन पर जाएँ
खोज पर जाएँ
श्लोकः
- पिताहमस्य जगतो माता धाता पितामहः ।
- वेद्यं पवित्रमोङ्कारः ऋक्साम यजुरेव च ॥ १७ ॥
अयं भगवद्गीतायाः नवमोध्यायस्य राजविद्याराजगुह्ययोगस्य सप्तदशः(१७) श्लोकः ।
पदच्छेदः
पिताहम् अस्य जगतः माता धाता पितामहः वेद्यं पवित्रम् ओङ्कारः ऋक्साम यजुरेव च ॥ १७ ॥
अन्वयः
अस्य जगतः पिता माता धाता पितामहः वेद्यं पवित्रम् ओङ्कारः ऋक् साम यजुः च अहम् एव ।
शब्दार्थः
- अस्य = एतस्य
- जगतः = प्रपञ्चस्य
- पिता = जनकः
- माता = जननी
- धाता = पोषयिता
- पितामहः = पितुः पिता
- वेद्यम् = वेदितव्यं वस्तु
- पवित्रम् = पावनं वस्तु
- ओारः = प्रणवः
- ऋक् = ऋग्वेदः
- साम = सामवेदः
- यजुः च = यजुर्वेदः च
- अहमेव = अहमेव ।
अर्थः
अहमेव अस्य जगतः पिता, माता, पोषयिता, पितामहः, ज्ञेयं वस्तु, पावयिता, ओारः, ऋग्वेदादिश्च अस्मि।