निमित्तानि च पश्यामि...

श्लोकः

गीतोपदेशः

निमित्तानि च पश्यामि विपरीतानि केशव ।

न च श्रेयोऽनुपश्यामि हत्वा स्वजनमाहवे ॥ ३१ ॥

अयं भगवद्गीतायाः प्रथमोध्यायस्य अर्जुनविषादयोगस्य एकत्रिंशत्तमः (३१) श्लोकः ।

निमित्तानि, च, पश्यामि, विपरीतानि, केशव । न, च, श्रेयः, अनुपश्यामि, हत्वा, स्वजनम्, आहवे ॥

केशव ! विपरीतानि च निमित्तानि पश्यामि । आहवे स्वजनं हत्वा श्रेयः च न अनुपश्यामि ।

विपरीतानि = प्रतिकूलानि

निमित्तानि च = शकुनानि अपि

पश्यामि = ईक्षे

आहवे = युद्धे

स्वजनम् = बन्धुम्

हत्वा = संहत्य

श्रेयः च = शुभं च

न = नहि

अनुपश्यामि = भावयामि

हे केशव ! अहं बहूनि दुश्शकुनानि पश्यामि । युद्धे स्वीयान् बान्धवान् हत्वा किञ्चिदपि श्रेयः न प्राप्नोमि ।