नाहं प्रकाशः सर्वस्य...
नेविगेशन पर जाएँ
खोज पर जाएँ
श्लोकः
- नाहं प्रकाशः सर्वस्य योगमायासमावृतः ।
- मूढोऽयं नाभिजानाति लोको मामजमव्ययम् ॥ २५ ॥
अयं भगवद्गीतायाः सप्तमोध्यायस्य ज्ञानविज्ञानयोगस्य पञ्चविंशतितमः(२५) श्लोकः ।
पदच्छेदः
न अहं प्रकाशः सर्वस्य योगमाया समावृतः मूढः अयं न अभिजानाति लोकः माम् अजम् अव्ययम् ॥ २५ ॥
अन्वयः
योगमायासमावृतः अहं सर्वस्य न प्रकाशः । मूढः अयं लोकः अव्ययम् अजं मां न अभिजानाति ।
शब्दार्थः
- योगमायासमावृतः = इच्छाधीनमायया आच्छन्नः
- अहम् = अहम्
- सर्वस्य = सकलस्य लोकस्य
- न प्रकाशः = न प्रकटः
- मूढः = मूर्खः
- अयं लोकः = एषः जनः
- अव्ययम् = नाशरहितम्
- अजम् = उत्पत्तिविहीनम्
- माम् = माम्
- न अभिजानाति = न वेत्ति ।
अर्थः
सल्पाधीनया मायया समावृतः अहं सकलस्य लोकस्य दृष्टिगोचरः न भवामि । केषाञ्चिदेव दृष्टिगोचरो भवामि । मूढः तु अयं जनः नाशरहितम् उत्पत्तिरहितं च मां न जानाति ।