तदित्यनभिसन्धाय...
नेविगेशन पर जाएँ
खोज पर जाएँ
श्लोकः
- तदित्यनभिसन्धाय फलं यज्ञतपःक्रियाः ।
- दानक्रियाश्च विविधाः क्रियन्ते मोक्षकाङ्क्षिभिः ॥ २५ ॥
अयं भगवद्गीतायाः सप्तदशोध्यायस्य श्रद्धात्रयविभागयोगस्य पञ्चविंशतितमः(२५) श्लोकः ।
पदच्छेदः
तत् इति अनभिसन्धाय फलं यज्ञतपःक्रियाः दानक्रियाः च विविधाः क्रियन्ते मोक्षकाङ्क्षिभिः ॥
अन्वयः
मोक्षकाङ्क्षिभिः तत् इति फलम् अनभिसन्धाय विविधाः यज्ञतपःक्रियाः दानक्रियाः च क्रियन्ते ।
शब्दार्थः
- मोक्षकाङ्क्षिभिः = मोक्षार्थिभिः
- फलम् = प्रयोजनम्
- अनभिसन्धाय = अनपेक्ष्य
- विविधाः = बहुप्रकाराः
- यज्ञतपःक्रियाः = यागादयः
- दानक्रियाः = वितरणक्रियाः ।
अर्थः
ये मोक्षम् इच्छन्ति ते तत् इति ब्रह्मणः तदिति शब्दम् उच्चार्य फलनिरपेक्षतया नानाविधं यज्ञं तपः दानं च कुर्वन्ति ।