काममाश्रित्य दुष्पूरं...
नेविगेशन पर जाएँ
खोज पर जाएँ
श्लोकः
- काममाश्रित्य दुष्पूरं दम्भमानमदान्विताः ।
- मोहाद् गृहीत्वाऽसद्ग्राहान्प्रवर्तन्तेऽशुचिव्रताः ॥ १० ॥
अयं भगवद्गीतायाः षोडशोध्यायस्य दैवासुरसम्पद्विभागयोगस्य दशमः(१०) श्लोकः ।
पदच्छेदः
कामम् आश्रित्य दुष्पूरं दम्भमानमदान्विताः मोहाद् गृहीत्वा असद्ग्राहान् प्रवर्तन्ते अशुचिव्रताः ॥
अन्वयः
दुष्पूरं कामम् आश्रित्य दम्भमानमदान्विताः मोहात् असद्ग्राहान् गृहीत्वा अशुचिव्रताः प्रवर्तन्ते ।
शब्दार्थः
- दुष्पूरम् = अशक्यपूरणम्
- कामम् = इच्छाविशेषम्
- आश्रित्य = अवलम्ब्य
- मोहात् = अविवेकात्
- दम्भमानमदान्विताः = दम्भाभिमानगर्वसहिताः
- असद्ग्राहान् = दुष्टनिश्चयान्
- अशुचिव्रताः = अशुद्धकर्माणः
- प्रवर्तन्ते = प्रवृत्ताः भवन्ति ।
अर्थः
ते हि दम्भादिभिः समन्विताः गर्हितं व्रतं चरन्तश्च अमितं विषयाभिलाषम् आश्रित्य अनर्थकरान् निर्णयान् विधाय जगतः नाशाय प्रवर्तन्ते ।