ऊर्ध्वं गच्छन्ति सत्त्वस्था...

श्लोकः

गीतोपदेशः

ऊर्ध्वं गच्छन्ति सत्त्वस्था मध्ये तिष्ठन्ति राजसाः ।

जघन्यगुणवृत्तिस्था अधो गच्छन्ति तामसाः ॥ १८ ॥

अयं भगवद्गीतायाः चतुर्दशोऽध्यायस्य गुणत्रयविभागयोगस्य अष्टादशः(१८) श्लोकः ।

ऊर्ध्वं गच्छन्ति सत्त्वस्थाः मध्ये तिष्ठन्ति राजसाः जघन्यगुणवृत्तिस्थाः अधो गच्छन्ति तामसाः ॥ १८ ॥

सत्त्वस्थाः ऊर्ध्वं गच्छन्ति । राजसाः मध्ये तिष्ठन्ति । जघन्यगुणवृत्तिस्थाः तामसाः अधः गच्छन्ति ।

सत्त्वस्थाः = सात्त्विकाः

ऊर्ध्वम् = ऊर्ध्वलोकम्

राजसाः = रजोगुणप्रधानाः

मध्ये = मनुष्यलोके

जघन्यगुणवृत्तिस्थाः = नीचगुणप्रवृत्तिसंस्थिताः

तामसाः = तमोगुणप्रधानाः

अधः = नीचलोकम् ।

सात्त्विकाः ऊर्ध्वलोकं प्राप्नुवन्ति । राजसाः मध्ये मनुष्यलोके तिष्ठन्ति । नीचगुणप्रवृत्तौ वर्तमानाः तु तमोगुणप्रधानाः नीचलोकं यान्ति ।