यज्ञदानतपःकर्म...
१३:०९, २४ एप्रिल् २०२२ पर्यन्तं ImportMaster (सम्भाषणम् | योगदानानि) (robot: Import pages using विशेषः:आयापयतु) द्वारा जातानां परिवर्तनानाम् आवलिः
श्लोकः
- यज्ञदानतपःकर्म न त्याज्यं कार्यमेव तत् ।
- यज्ञो दानं तपश्चैव पावनानि मनीषिणाम् ॥ ५ ॥
अयं भगवद्गीतायाः अष्टादशोऽध्यायस्य मोक्षसंन्यासयोगस्य पञ्चमः(५) श्लोकः ।
पदच्छेदः
यज्ञदानतपःकर्म न त्याज्यं कार्यम् एव तत् यज्ञः दानं तपः च एव पावनानि मनीषिणाम् ॥
अन्वयः
यज्ञदानतपःकर्म न त्याज्यं तत् कार्यम् एव । यज्ञः दानं तपः च एव मनीषिणां पावनानि ।
शब्दार्थः
- यज्ञदानतपःकर्म = यागः दानं तपः च इति कर्म
- कार्यम् = कर्तव्यम्
- मनीषिणाम् = विदुषाम्
- पावनानि = शुद्धिकराणि ।
अर्थः
यज्ञः दानं तपश्च इति एतत् कर्मत्रयं न सर्वथा वर्जनीयम् । तत् अवश्यं कर्तव्यम् । यतः तत् त्रिविधं कर्म मनीषिणां शुद्धिकरम् ।